احنا المصريين نختلف عن الاخرين

استعرض الموضوع السابق استعرض الموضوع التالي اذهب الى الأسفل

احنا المصريين نختلف عن الاخرين

مُساهمة  nogaaaa في الأربعاء فبراير 04, 2009 2:29 pm

احنا المصريين نختلف عن الاخرين
ــــــــــــــــ


المصري هو اللّى ممكن يعدي التلاتين ولسه عايش مع أمه وأبوه وماعندهوش مشكلة

بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ
والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع
المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير
فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ماإستخدمها

بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش



بيكون عنده شواية لزوم الرحلات أقصى استخدام لها كان مرة واحدة في العيد



بيشيل طابع البريد من على الظرف لو الختم ماكانش عليه



بيفتكر إن أي حد بيشتغل في الخليج بيغرف فلوس من غير حساب




بيكون مشغول بقيمة التيبس أو البقشيش طول العشا ياترى ربع جنيه ولا نص جنيه


برده بيتخانق ساعة دفع الحساب بحرارة شديدة على إنه هو اللي لازم يدفع


سرقوا منه العربية بس مشكلته هي المايتي زينجر



بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا


والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها
بيفرش له الملاية

nogaaaa

عدد المساهمات : 7
تاريخ التسجيل : 04/02/2009
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احنا المصريين نختلف عن الاخرين

مُساهمة  Admin في الأربعاء فبراير 04, 2009 2:49 pm

ههههههههههههههههههههههههههههههه
واللهى انت قلت الحقيقه وفعلا الكلام ده بيحصل
والمفروض ان احنا الجيل الجديد نعالج المشكله ديه
عمتا موضوع ممتاز وشكرا على المجهود

Admin

عدد المساهمات : 19
تاريخ التسجيل : 16/08/2008
العمر : 29

معاينة صفحة البيانات الشخصي للعضو http://as7ab4ever.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى